У Падмаскоўі перапалохаліся праз дроны
1- 29.05.2023, 12:36
- 5,502
![У Падмаскоўі перапалохаліся праз дроны](https://i.c97.org/ai/548269/aux-head-1684245174-20230516_dron_360.jpeg)
Беспілотнікі сачылі за расейскай вайсковай тэхнікай.
У Падмаскоўі тры дроны сачылі за расейскай вайсковай тэхнікай. Расейцы кажуць, што аператараў нібыта затрымалі.
Пра гэта паведамляе РБК-Украіна са спасылкай на расейскі Telegram-канал SHOT.
Расейскія мэдыі заяўляюць, што інцыдэнт адбыўся ў горадзе Хімках у Падмаскоўі ўвечары напярэдадні.
«Паводле нашых звестак, жыхары ЖК «Пятніцкія лугі» спалохаліся напярэдадні ўвечары, убачыўшы ў небе на вышыні прыкладна 300 мэтраў тры беспілотнікі, і выклікалі паліцыю», - кажуць расейцы.
Паліцыя нібы знайшлі аператараў, якія выпусцілі самаробныя дроны. Імі выявіліся два жыхары Масквы 39 і 47 гадоў. Мужчыны сцвярджалі, што зрабілі дроны для акупантаў, якія ваююць ва Украіне. З іхніх слоў, паасобныя дэталі яны надрукавалі на 3D-друкарцы, а іншыя набылі ў Кітаі.
«Беспілотнікі тэставалі, каб спраўдзіць, як яны працуюць, і пераслаць іх у зону СВА. Для чаго выпусцілі іх менавіта над вайсковай тэхнікай, растлумачыць не змаглі», - гаворыцца ў паведамленні.