«Нік і Майк»: Лукашэнка рыхтуецца да штурму палаца з зямлі і паветра

Дыктатар запанікаваў пасля налёту дронаў на Маскву.

Учора Лукашэнка размаўляў з начальнікам сваёй службы бяспекі. Падстаў для сустрэчы было некалькі, піша тэлеграм-канал "Нік і Майк".

Прыярытэт № 1. Цалкам закрыць інфармацыю аб стане здароўя дыктатара. Незалежна ад дакладнасці яе распаўсюджванне ў фармаце сарафаннага радыё дэмаралізуе вертыкаль улады. Адзначана, што на тэрыторыі краіны інфармацыя можа быць узятая пад кантроль, за межамі выцекі могуць мець месца.

Прыярытэт № 2. Ахова перыметра палаца. У якасці асноўных рызык вылучаныя дзве:

1. Атака з паветра, пагатоў сустрэча праходзіла на фоне налёту дронаў на Маскву. Прынятая пастанова ўзмацніць захады заслоны.

2. Сцэнар «Палац Аміна» або народнае паўстанне. Прааналізаваная схема абароны палаца ад наземнага штурму. Схема размяшчэння кулямётных гнёздаў, зброевых пакояў, а таксама варыянты эвакуацыі, закладзеныя на этапе праектавання прызнаныя дастатковымі, яны патрабуюць малаважнага ўзмацнення. Наяўныя арсеналы пастанавілі дапоўніць антыдронавымі стрэльбамі, гранатамётамі і ПЗРК.

Страх за сваё жыццё на доўгі час будзе максімальна дэстабілізацыйным чыннікам. Выбухі ў Маскве, а пампэрсы мяняюць у Менску.

На схеме абазначаныя месцы размяшчэння кулямётных разлікаў. Ужо на этапе праектавання сваёй новай рэзідэнцыі Сінія пальцы рыхтаваўся адстрэльвацца ад свайго народа. Больш дэталёвы план палаца, пад'ездаў да яго, уваходаў для розных груп людзей (прыслуга, ежа ды іншыя) апублікуем у момант, калі гэта можа спатрэбіцца. Асобна адзначым, што адзін з падземных выхадаў вядзе да "рамонку".