Патрушаў паведаміў Пуціну непрыемныя навіны

Сакратар расейскай Рады бяспекі падаў зусім іншыя лічбы пра напад беспілотнікаў на Маскву.

Сакратар Рады бяспекі РФ Мікалай Патрушаў пасля масаванага нападу БЛА на Маскву ў аўторак, 30 траўня, выклаў свайму прэзідэнту Уладзіміру Пуціну «непрыемныя весткі», паведамляе Диалог.UA са спасылкай на ТГ-канал «Генерал СВР».

Патрушаў расказаў Пуціну вельмі неспрыяльныя прагнозы аб далейшай хадзе падзей, хоць, паводле афіцыйных звестак Крамля, 30 з 32 дронаў былі збітыя, а астатнія 2 "самі ўпалі", але сакратар расейскай Рады бяспекі падаў іншыя лічбы.

Паводле ягоных звестак, Маскву і вобласць атакавалі як мінімум 40 беспілотнікаў, пры гэтым мэтай гэтага дзеяння была дэманстрацыя, а не прычыненне шкоды.

У ТГ-канале "Генерал СВР" сцвярджаецца, што Патрушаў усхвалявана паведаміў "правадыру", што адразу некалькі беспілотнікаў доўга кружылі над рознымі аб'ектамі, у тым ліку стратэгічна важнымі, і пры гэтым не спрабавалі нанесці ўдар па іх.

Нагадаем, 30 траўня раніцай сталіцу РФ масава атакавалі беспілотнікі. Мэр Масквы Сяргей Сабянін быў вымушаны прызнаць факт атакі.