У Белым доме расказалі, калі Украіна плануе пачаць контрнаступ

Вайскоўцы ЗША знаходзяцца на сувязі з украінскімі калегамі з моманту пачатку планавання аперацыі.

Украіна рыхтуецца пачаць запланаванае контрнаступленне летам. На Захадзе, у сваю чаргу, хочуць, каб украінскае войска было абсталяванае ўсім неабходным для правядзення гэтай аперацыі.

З такой заявай выступіў каардынатар стратэгічных камунікацый у Радзе Бяспекі пры адміністрацыі прэзідэнта ЗША Джон Кірбі, паведамляе CNN.

З яго слоў, амерыканскі бок прадоўжыць пастаўляць ва Украіну абарончае ўзбраенне цягам лета. Наступныя пастаўкі зброі будуць ажыццёўленыя ўжо ў недалёкай будучыні.

Тым часам вайскоўцы ЗША знаходзяцца на сувязі са сваімі ўкраінскімі калегамі з моманту пачатку планавання контрнаступальнай аперацыі.