Лекарка ацаніла стан здароўя Лукашэнкі

Дыктатар ледзь клыпае, забінтаваная рука, яго суправаджае хуткая.

Журналісты заўважылі, што Лукашэнка прыляцеў у Маскву ўжо хворым: яшчэ дома, падчас публічных выступаў усе адзначалі ягоны сіплы голас і стомлены выгляд.

Падрабязнасці яго надта кароткага знаходжання ў сталіцы Расеі ўжо даследуюць аналітыкі і палітолагі.

«Факты ICTV» звярнуліся да медыцынскай экспэрткі Марыны Ерынай, лекаркі-тэрапеўткі, фізіятэрапеўткі, з просьбай пракаментаваць відэа з Лукашэнкам, дзе нават не спецыялісту заўважныя прыкметы хваробы.

Дык вось, першае, што кідаецца ў вочы, ён вельмі павольна і неяк праз сілу ходзіць.

- Гэта можа казаць і аб перанесенай цяжкай хваробы, той жа грып або Covid-19. А можа паказваць на болевы сіндром тазасцёгнавага ці каленнага сустава, якому ён спрабуе даць рады, але гэта не ўдаецца.

Яшчэ ў студзені гэтага года Charter97.org пісаў, што Лукашэнку складана спускацца з трапа самалёта і нават на пастановачных кадрах яму цяжка проста прайсціся перад камерай.

- Можна выказаць здагадку пра кілу або пратрузію дыскаў хрыбта... Бо ён высокага росту - больш за 182 см, не худзенькі, ды і ўзрост (68 гадоў) найбольш уразлівы для такіх захворванняў.

На відэа бачна, што яму вельмі цяжка ісці ў групе лідараў дзяржаў пасля параду і ён нават адмовіўся выканаць 850-метровы сімвалічны праход да магілы невядомага салдата ў Аляксандраўскім садзе.

— Думаю, што яго мучыў боль, боль вельмі моцны, і давялося, што завецца, плюнуць на ўсе ўмоўнасці і адмысловыя акалічнасці.

Цяпер наконт павязкі на руцэ, якую прыдзірлівыя рэпарцёры заўважылі ў Лукашэнкі, калі ён сядзеў на трыбуне. Хтосьці нават выказаў здагадку, што гэта след ад унутрывеннага катэтара.

- Я не думаю. Павязка фіксуе вялікі палец кісці. Магчыма, гэта расцяжэнне або траўма сухажылля. А вось калі прыгледзецца да ягоных пазногцяў на руцэ, то дэфармацыі ногцевай пласціны могуць паказваць на псарыяз.

А пры гэтай хваробе, са слоў лекаркі, можа развіцца псарыятычны артрыт.

Адной з яго праяў, удакладняе лекарка, акурат і з'яўляецца паражэнне міжфалангавых суставаў першых пальцаў кісці.

У некаторых крыніцах пішуць, што ў аэрапорт Лукашэнку даставілі на хуткай.

- Мяне б гэта не здзівіла. Калі мая здагадка пра артрыт правільная, то скажу, што пры псарыятычным артрыце мучыць моцны боль, абмежаванне рухомасці ў шыйным, грудным або паяснічным аддзелах хрыбта. Ахоплівае пачуццё стомленасці, накрывае дэпрэсія.

Адным словам, стан не для парадаў.