«Ідзём вызваляць РФ ад Белгарада да Уладзівастока»: расейскія добраахвотнікі запісалі відэа з ускраіны Шабекіна

Агучаныя мэты новага рэйду на тэрыторыю Расеі.

Сайт Charter97.og паведаміў аб пачатку баёў на тэрыторыі Белгарадскай вобласці РФ у раёне прапускнога пункта «Шабекіна».

Крыху раней у Сеткі з'явіліся кадры ад прадстаўнікоў легіёна «Свабода Расеі» і «Рускага добраахвотніцкага корпуса».

У ім ідзе анонс новага заходу на тэрыторыю Расеі.

Так, байцы са «Свабода Расеі» кажуць, што галоўная мэта іх рэйдаў - вызваліць ад пуцінскага рэжыму тэрыторыю РФ ад Белгарада да Уладзівастока. Пры гэтым яны хочуць паставіць над Крамлём бела-сіне-белы сцяг.

Адначасова з гэтым байцы з «РДК» выклалі свае кадры, на якіх яны кажуць, што неўзабаве дойдуць да Шабекіна; заклікаюць мясцовых жыхароў не верыць расейскім СМІ і заставацца дома, бо эвакуацыя зараз небяспечная.

Расейскія прапагандысты запэўніваюць, што ўсю ноч з тэрыторыі Украіны быў абстрэл Шабекіна, а ўжо ўдзень 20 памежнікаў і 20 вайскоўцаў УС РФ нібыта прынялі бой з добраахвотнікамі.

Таксама расейскія СМІ паведамляюць, што «дыверсанты» выкарыстоўваюць тры танкі, адзін з якіх вядзе прыцэльны агонь па АПП «Шабекіна», яшчэ два танкі нібыта знаходзяцца ў раёне Тавалжанкі.

Расейскія паблікі таксама пішуць, што перацяты рух у раёне Маславай Прыстані ў бок Шабекіна.

Яшчэ ўдзень губернатар краю Гладкоў паведаміў толькі пра начныя абстрэлы Шабекіна. Ёсць інфармацыя, што быў прылёт у будынак мясцовай паліцыі ў Шабекіне. Ён ахоплены полымем.