Масквічы кінуліся скупляць супрацьдронавыя стрэльбы пасля нападу беспілотнікаў

Паніка ў сталіцы РФ узмацняецца.

Жыхары Масквы пачалі актыўна скупляць антыдронавыя стрэльбы пасля налёту беспілотнікаў на сталічны рэгіён РФ 30 траўня.

«Быў усплёск продажаў антыдронавых сістэм. У асноўным бралі стрэльбы», - распавяла крыніца ТАСС у абаронна-прамысловым комплексе. У кампаніі Detector Systems, якая займаецца продажам сродкаў процідзеяння дронаў, пацвердзілі рэзкі скачок попыту.

Да гэтага за тыдзень прадавалася блізу 20-50 прылад коштам ад 130 тысяч руб., распавёў «Коммерсанту» адзін з прадаўцоў, якія працуюць на «Авіта». Са слоў іншага, пасля нападу колькасць запытаў на антыдронавыя стрэльбы вырасла «ў некалькі разоў».

Дастаць тэхніку не складана: яна прадаецца на «Авіто», Ozon, Wildberries і на «Яндэкс.Маркеце». Прадаўцамі выступаюць прыватныя асобы і інтэрнэт-крамы. Так, напрыклад, на «Авіто» на запыт «знішчальнік дронаў» размешчана 681 аб'яў па ўсіх рэгіёнах.

У асартыменце прадстаўлены гарматы рознага кошту. Да прыкладу, блакатар «Гарпія» 120W-170W каштуе 115-310 тысяч руб., а антыдронавыя сістэмы «Контр-БПЛА» – ад 300 тысяч рублёў да некалькіх мільёнаў. Такога кшталту сістэмы выкарытсоўваюцца ў аэрапортах, турмах, цэнтрах утрымання пад вартай і ўзброеных сілах, вынікае з апісання тавару на Ozon.

Аднак усе гэтыя прылады не пасуюць для блакавання дронаў, якія атакавалі Маскву. «З такімі можа справіцца толькі СПА», - растлумачыў адзін з прадаўцоў на «Авіто». Антыдронавыя стрэльбы і іншыя «глушылкі» выкарыстоўваюцца супраць беспілотнікаў, якія кіруюцца з пульта: прылада страчвае арыенцір і альбо прызямляецца, альбо падае, кажа гендырэктар ТАА «Курсір» Віталь Муніраў.

«Дроны, якія выкарыстоўваюць убудаваныя бартавыя сістэмы навігацыі, немагчыма заглушыць, яны ляцяць у рэжыме радыёмаўчання. Іх можна толькі збіць сродкам СПА», - растлумачыў ён.

Беспілотнікі, якія атакавалі Маскву і Падмаскоўе 30 траўня, былі абсталяваныя рухавіком унутранага згарання, які дазваляе робату пакрываць ад 100 да 1,5 тыс. км, адзначае намеснік FlyDrone Аляксандр Каніоўскі.

«Антыдронавыя стрэльбы разлічаны ў асноўным на перахоп каналаў кіравання дронаў, а блакатары GPS мяняюць канчатковы пункт беспілотніка. БПЛА, якія прыляцелі ў панядзелак, выкарыстоўваюць менавіта GPS-сігналы і ляцяць аўтаматычна, без кіравання з зямлі», - растлумачыў Каніоўскі.

Раніцай 30 траўня Масква зазнала налёт беспілотнікаў. Тры робаты трапілі ў жылыя дамы: адзін сутыкнуўся з 24-павярховым жылым домам на вуліцы Атласава, 11 у Новай Маскве, выбіўшы шкло на трох паверхах. Другі ўрэзаўся ў верхнія паверхі дома на вуліцы Прафсаюзнай, 98 побач з метро «Бяляева», разбурыўшы фасад і шкленне. Трэці беспілотнік з трыма выбуховымі прыстасаваннямі рэзнуўся ў 30-павярховы дом на Ленінскім праспекце. Выбухоўка не спрацавала.