Колькасць мільянераў ва ўсім свеце прыкметна знізілася

У чым прычына.

Кансалтынгавая фірма Capgemini зафіксавала найбуйнейшае скарачэнне колькасці мільянераў за апошнія 10 гадоў. Колькасць мільянераў ва ўсім свеце летась прыкметна зменшылася. У 2022 годзе каля 21,7 млн чалавек - на 3,3 адсоткі менш, чым годам раней, - валодалі станам, які перавышае адзін мільён даляраў без уліку нерухомасці, паведаміла французская кансалтынгавая фірма Capgemini ў чацвер, 1 чэрвеня. У выніку сукупная маёмасць найбагацейшых людзей Зямлі скарацілася на 3,6 адсотка да 83 трлн даляраў, піша DW.

«Гэта найбуйнейшае скарачэнне за дзесяць гадоў, выкліканае макраэканамічнай і геапалітычнай нявызначанасцю», – адзначылі ў Capgemini. Фінансавыя экспэрты кампаніі прааналізавалі маёмасную сітуацыю ў 71 краіне.

Вынік падзелу акцыянерных біржаў

Са звестак кампаніі, больш за ўсё - на 7,4 адсоткі - скарацілася маёмасць у Паўночнай Амерыцы. У Еўропе зафіксаваны мінус на ўзроўні 3,2, а ў Азіі і Ціхаакіянскім рэгіёне - на ўзроўні 2,7 адсотка. У той жа час маёмасць у Афрыцы, Лацінскай Амерыцы і на Блізкім Усходзе, наадварот, павялічылася, найперш дзякуючы росту коштаў нафты і газу на фоне вайны Расеі супраць Украіны.

Кіраўнік аддзела фінансавых даследаванняў Capgemini Эліяс Ганем бачыць дырэктуўную сувязь паміж скарачэннем колькасці мільянераў і сітуацыяй на акцыянерных біржах. Амерыканскі індэкс NASDAQ летась страціў 33 адсоткі, французскі CAC 40 - 9,5%, а нямецкі DAX - 12 адсоткаў.