Ва Украіне ліквідавалі камандзіра баевікоў «Самалі»

Ваеннага злачынцу адправілі да Гіві і Матаролы падчас наступу УСУ пад Вадзяным.

У раёне Вадзянога пад Аўдзееўкай (Данецкая вобласць) была ліквідаваная «тоўстая цэль» – тэрарыст «ДНР», камандзір 1-й штурмавой роты батальёна «Самалі» псеўдарэспублікі, гвардыі капітан Раман Вараб'ёў («Верабей»). 26-гадовы вайсковец краіны-агрэсаркі быў забіты 5 чэрвеня, паведамляе obozrevatel.com.

Смерць акупанта пацвердзіў верхавод «ДНР» Дзяніс Пушылін, які прысутнічаў на ягоным пахаванні. Афіцэр УСУ і блогер Анатоль Штэфан (пазыўны «Штырліц») пажартаваў, што Вараб'ёў далучыўся да ваенных злачынцаў, тэрарыстаў «Данецкай народнай рэспублікі» Міхаіла Талстых («Гіві») і Арсенія Паўлава («Матаролы»).

Акупанта закапалі 9 чэрвеня ў Данецку. Крамлёўскі дыктатар Уладзімір Пуцін прысвоіў «ДНРаўцу» званне «героя Расеі» пасмяротна.

Родам Вараб'ёў з Данбаса. З 2014 года ўдзельнічаў у вайне супраць Украіны ў складзе тэрарыстычнага батальёна «Самалі» (туды ён прыйшоў у 18-гадовым узросце). Далучыўся і да поўнамаштабнай вайны, развязанай РФ супраць Украіны.

Ён удзельнічаў у штурмах Марыюпаля вясной 2022 года. На ўручэнне ўзнагароды, якое праводзіў верхавод «ДНР» Пушылін, Вараб'ёў апрануў форму з нацысцкім шэўронам «Тацэнкаф» («Мёртвая галава»).

Раней у сваіх сацыяльных сетках Вараб'ёў публікаваў здымак, на якім ён дэманстраваў нацысцкае прывітанне.

PATREON Падтрымайце сайт «Хартыя-97» падпісвайцеся на канал

Напісаць каментар 10

Таксама сачыце за акаўнтамі Charter97.org у сацыяльных сетках

• Facebook
• YouTube
• X.com
• vkontakte
• ok.ru
• Instagram
• RSS
• Telegram