У Траецкім прадмесці прадаюць дзве кватэры з дзіўнымі коштамі

У адной з іх цяпер знаходзіцца хостэл.

У гістарычным кутку Менска – Траецкім прадмесці – выставілі на продаж дзве кватэры: вялікую аднапакаёўку і чатырохпакаёвую, у якой цяпер хостэл. «Люстэрка» паглядзела, што з сябе ўяўляе нерухомасць і колькі каштуе.

Аднапакаёвая кватэра знаходзіцца на першым паверсе дома № 6 на вуліцы Старавіленскай, гэты будынак размешчаны проста ўздоўж набярэжнай Свіслачы, пры гэтым вокны выходзяць на раку. Адзначаецца, што ёсць стаянка для аўтамабіля.

Агульная плошча жылля крыху большая за 63 «квадраты», жылая – 43,4 м², кухня займае амаль восем «квадратаў». Санвузел сумешчаны. У аднапакаёўцы трохметровыя столі, на падлозе – лінолеум.

Адзначаецца, што ў кватэры зроблены выдатны рамонт, прычым поўная рэстаўрацыя дома была праведзеная ў 1983 годзе. Усярэдзіне аб'ект насамрэч адрамантаваны, але мяркуючы з інтэр'еру раней там мог знаходзіцца офіс: тыповыя для працоўнай прасторы шкляныя міжпакаёвыя перагародкі, падвесная столь з белых квадрацікаў, якія чаргуюцца з лямпамі дзённага святла.

Кошт аб'екта – 492 380 рубля або 167 750 даляраў (2650 даляраў за квадратны метр).

У двухпавярховым доме № 12 на той жа вуліцы прадаюць чатырохпакаёвую кватэру, агульная плошча якой 84 м², яна таксама размешчаная на першым паверсе. У адрозненне ад папярэдняга аб'екта дом размешчаны ўнутры квартала, што лепш будзе агароджваць жыхароў ад вулічнага шуму. Побач ёсць парковачныя месцы.

Цяпер у кватэры размяшчаецца хостэл (міні-гатэль). Чатыры асобныя пакоі займаюць крыху больш за 54 «квадраты», плошча кухні 8,6 м², ёсць некалькі санвузлоў.

Гэтую кватэру выстаўлялі на продаж яшчэ ў 2022 годзе.

Паведамляецца, што плошчу жылля можна павялічыць за кошт тамбура і вываду кватэры ў нежылы фонд.

Кошт кватэры 791036 рублёў або 269500 даляраў (3231 даляр за квадратны метр).