15 лiпеня 2024, панядзелак, 18:21
Падтрымайце
сайт
Сім сім,
Хартыя 97!
Рубрыкі

У Смаргоні на вачах ва ўладальніка скралі Volkswagen

5
У Смаргоні на вачах ва ўладальніка скралі Volkswagen

Ён пабег следам і здолеў дагнаць свой аўтамабіль.

Чаго толькі не робяць людзі пасля ўжывання спіртнога. Так і 48-гадовы мужчына, які на працягу дня ўжываў, наважыўся на крадзеж Volkswagen, уладальнік якога выпадкова пакінуў адчыненымі дзверы і ключы ў бардачку, піша «АвтоГродно».

Гэтая гісторыя адбылася днямі ў Смаргоні. Мужчына піў цэлы дзень, а калі ўсё скончылася, наважыў схадзіць па дабаўку ў найбліжэйшую краму.

Па шляху ён убачыў аўтамабіль маркі "Фольксваген" і тузануў за ручку дзвярэй. Здолеўшы адчыніць дзверы аўта грамадзянін знайшоў у бардачку ключы ад машыны.

Не доўга думаючы мужчына завёў аўтамабіль і паехаў.

У гэты час да машыны падыходзіў уладальнік і ўбачыў, як яго транспарт з'яжджае. Гаспадар пагнаўся за аўтамабілем і дагнаў яго. Мужчына адразу ж паведаміў аб гэтым у праваахоўныя органы.

Прыбыўшы на месца супрацоўнікі Смаргонскага РАУС і АДАІ затрымалі падазраванага. Мужчына патлумачыў супрацоўнікам міліцыі, што хацеў даехаць да найбліжэйшай крамы. Аўтамабіль у тэхнічна спраўным стане вернуты ўладальніку.

У дачыненні да мужчыны Смаргонскім РАСК распачатая крымінальная справа паводле артыкула «Згон транспартнага сродку або маламернага судна».

Напісаць каментар 5

Таксама сачыце за акаўнтамі Charter97.org у сацыяльных сетках