Беларуская спецыялістка ў харчаванні расказала, чым лепш карміць дзяцей летам

І колькі дзеці павінны рухацца, каб не набраць за вакацыі лішнюю вагу.

Чым карміць дзяцей летам, каб яны не набралі лішнюю вагу, sb.by расказала загадчыца аддзялення гігіены харчавання Цэнтра гігіены і эпідэміялогіі Першамайскага раёна Менска Святлана Чайкоўская.

Паводле ейных слоў, сняданак павінен быць вельмі важкім і складаць палову дзённага рацыёну.

Абед - суп, грэцкая, прасяная, рысавая каша, груца, тушаная капуста. Бульба - лепш пару разоў на тыдзень і ў ідэале запечаная. Больш зяленіва з градак у спалучэнні з рыбай ці курыцай. Чырвонае мяса - толькі раз на тыдзень. Вячэра - максімальна лёгкая, у ідэале бялок плюс гародніна.

Акрамя таго, летам дзіця павінна шмат піць, але лепш, калі гэта будзе адвар з сухафруктаў і чыстая пітная вада. Не варта купляць дзіцяці сокі. Са слоў медыка, нават калі на пакунку надпіс «Без цукру», то там ёсць падсалоджвальнікі, якія таксама не карысныя. Адмовіцца наогул ад газаваных напояў - яны дырэктыўны шлях да лішніх кілаграмаў.

Гарбата з дэсертам адразу пасля абеду ці вячэры правакуе набор вагі. Святлана Чайкоўская прапануе салодкае максімальна абмежаваць, замяніўшы фруктамі. Марозіва не часта і лепш фруктовы лёд.

Спецыялістка адзначыла, што сем'ям лепш наогул адмовіцца ад каўбас, рулетаў і таму падобнага перапрацаванага мяса, а ў дадатак да іх - ад кетчупаў і соусаў. Ды і ўлюбёныя дзецьмі сасіскі ўключаць у меню не часцей як раз на тыдзень. Таксама яна раіць прывучаць дзяцей да натуральных кісламалочных прадуктаў без дадаткаў.

Улетку дзіця павінна як мага больш рухацца - бегаць, скакаць, ездзіць на ровары, роліках, плаваць, хадзіць пешшу. Такая актыўнасць і ежы дапаможа добра засвойвацца і будзе карысная для здароўя, рэзюмавала спецыялістка.