Польскія памежнікі затрымалі «брыгаду праваднікоў», якая дапамагала мігрантам перабрацца з Беларусі ў ЕЗ

Памежнікі ўчора спынілі 62 спробы пранікнення на тэрыторыю Польшчы.

Польскія памежнікі ўчора спынілі 62 спробы пранікнення на тэрыторыю сваёй дзяржавы з боку Беларусі. На мяжы з Латвіяй не прапусцілі 43 мігранты, а на мяжы з Літвой - яшчэ чатырох. Пра гэта паведамілі памежныя ведамствы краін Еўразвязу, якія мяжуюць з Беларуссю.

Такім чынам, агулам памежнікі трох краін не прапусцілі на сваю тэрыторыю 109 чалавек.

Польская Памежная варта паведаміла, што сярод мігрантаў, якія спрабавалі прарвацца ў Польшчу, былі грамадзяне афрыканскіх дзяржаў Гамбіі, Самалі і Этыёпіі. Акрамя таго, польскія памежнікі затрымалі за дапамогу ў перавозцы мігрантаў з Емена, Сірыі, Ірака і Афганістана пяць грамадзян Узбекістана, дваіх грамадзян Грузіі і грамадзяніна Украіны.

Служба аховы дзяржаўнай мяжы Літвы падлічыла, што з пачатку 2023 года на літоўска-беларускай мяжы было спынена 1 196 мігрантаў. Для параўнання, за ўвесь 2022 год іх было 11 211.