Пад Бахмутам у расейскіх ПДВ вялікія страты
4- 11.06.2023, 20:03
- 18,188
УСУ спынілі штурмы акупантаў.
На Ліманскім, Бахмуцкім, Аўдзееўскім і Мар'інскім кірунках расейцы працягваюць спробы наступу, там адбылося 19 баявых сутыкненняў. Пра гэта паведамляе ў вячэрняй справаздачы Генштаб УСУ.
Генштаб у справаздачы пазбягае казаць аб наступальных дзеяннях УСУ, але адзначае, што на Запарожскім і Херсонскім кірунках акупанты працягваюць весці абаронныя дзеянні.
Адзначаюцца значныя страты расейцаў у жывой сіле. Праз беспаспяховыя штурмавыя дзеянняў на Бахмуцкім кірунку сур'ёзныя страты панеслі падраздзяленні расеійскіх паветрана-дэсантных войскаў.
Вайскоўцы адзначаюць, што сярод мабілізаваных расейцаў «адзначаецца прыгнечаны настрой», бо яны не разумеюць задачы і мэты вайны. На маральны стан акупантаў уплывае таксама нявызначанасць тэрмінаў іх удзелу ў баявых дзеяннях.
Генштаб валодае інфармацыяй, што буйныя партыі толькі што вырабленых РФ артылерыйскіх боепрыпасаў калібраў 122 і 152 мм забароненыя да выкарыстання праз іх самадэтанацыю.
Авіяцыя Сіл абароны ўчора нанесла шэсць удараў па раёнах засяроджвання асабовага складу супраціўніка. Ракетчыкі і артылерысты знішчылі два пункты кіравання, два артылерыйскія падраздзяленні на агнявых пазіцыях і станцыю РЭБ супраціўніка.