Прэзідэнт Францыі мае намер асабіста ўмяшацца ў перамовы зоркі ПСЖ і клуба

Макрон заявіў, што паспрабуе пераканаць футбаліста застацца ў парыжскай камандзе.

Прэзідэнт Францыі Эмануэль Макрон заявіў, што паспрабуе пераканаць Кіліяна Мбапэ застацца ў ПСЖ.

Палітык адказаў на пытанне, ці застанецца зорны гулец у складзе французскага клуба.

“У мяне няма інфармацыі, ці застанецца Кіліян, але я паспрабую дамагчыся гэтага”, – прыводзіць словы Макрона RMC Sport.

Летась палітык таксама праводзіў перамовы з Мбапэ, у выніку чаго той падпісаў новы кантракт з ПСЖ, які дзейнічае да лета 2024 года.

У мінулым сезоне Кіліян правёў 43 матчы за клуб, у якіх забіў 41 гол і выканаў 10 галявых перадачаў.