Брытанец атрымаў у латарэю 70 млн даляраў

Імя пераможцы пакуль не называецца.

Брытанец перамог у джэкпоце еўрапейскай латарэі EuroMillions. Сума складае 70 млн даляраў. Пра гэта паведамляе Sky News.

Адзначаецца, што пераможца павінен звярнуцца па грошы цягам 180 дзён. Толькі пасля таго, як выйгрыш будзе пацверджаны, уладальнік вызначыць, ці апублікаваць сваё імя.

Выданне піша, што толькі 16 чалавек у Вялікай Брытаніі перамагалі ў EuroMillions больш за 140 млн даляраў.

Дарэчы, рэкордны выйгрыш для Злучанага Каралеўства быў зафіксаваны 20 ліпеня 2022 года. Тады брытанец атрымаў 234,5 млн даляраў.

А ўвогуле самым удачлівым шчасліўчыкам сярод гульцоў латарэі стала жыхарка Французскай Палінэзіі. 15 кастрычніка 2020 года яна атрымала 253 млн даляраў.