Тысячам беларусаў у Польшчы давядзецца легалізавацца паўторна

У іх усяго месяц.

Спецыяльныя раздзелы польскага заканадаўства, якія дзейнічалі ў перыяд пандэміі, аўтаматычна падаўжалі тэрмін дзеяння шэрагу нацыянальных дакументаў, у тым ліку тых, што даюць іншаземцам права на знаходжанне - дазволаў на жыхарства і віз.

«У замежнікаў, у тым ліку ў грамадзян Беларусі, [з пачатку ліпеня] будзе толькі 30 дзён, каб легалізаваць сваё знаходжанне, калі яны знаходзіліся на падставе падоўжаных дакументаў», - патлумачыла на брыфінгу 22 чэрвеня юрыстка Вольга Дабравольская, як піша «Позірк».

Для грамадзян Беларусі застаюцца актуальнымі два спосабы легалізацыі ў краіне: атрыманне ДНЖ і хадайніцтва аб міжнароднай абароне.

Атрымаць на тэрыторыі Польшчы нацыянальную візу з гуманітарных прычын немагчыма ад пачатку красавіка.