Здымаюць з банкаматаў грошы: у акупантаў у Марыупалі панічныя настроі
1- 24.06.2023, 21:56
- 17,524
Расейцам на часова акупаваных тэрыторыях Украіны стала трывожна.
На фоне беспарадкаў і баявых дзеянняў у Расеі акупантам на часова акупаваных тэрыторыях Украіны раптоўна стала трывожна. Пра такія прыкметы распавялі, між іншым, і ў Марыупалі, паведамляе «24 канал».
Раптам у горадзе пачалі закрывацца абменнікі, а ў крамах і да банкаматаў утварыліся кіламетровыя чэргі. Пры гэтым свае грошыкі спяшаюцца зняць і акупацыйныя войскі.
Больш за тое, паведамляюць, што кадыраўцы не толькі здымаюць наяўныя грошы ў банкаматах, але і спешна пакідаюць горад.
- Тым часам у Марыупалі: зачыняюцца абменнікі, кіламетровыя чэргі ў крамах, да банкаматаў чэргі з ваяк, кадыраўцы спешна пакідаюць горад, – гаворыцца ў паведамленні «Мариуполь. Сопротивление».
Дарадца мэра Марыупаля Пётр Андрушчанка таксама паведаміў, што ў крамах горада раптоўна перасталі працаваць тэрміналы.
Таксама ён паказаў скрыншот з пабліка пасёлка Мангуш Марыупальскага раёна. Там мясцовым рэкамендуюць рыхтавацца да нявызначаных часоў: заправіць з запасам аўтамабілі, мяняць расейскія «драўляныя» на даляры, а таксама зрабіць запас прадуктаў, вады і лекаў.
Аднак, што цікава, курс валют у Марыупалі раптам узляцеў.
- Таксама людзі раптоўна пачалі цікавіцца, ці можна з'ехаць у Расею. Аднак, паводле скрыншота, – не.