Экс-дырэктар ЦРУ: Контрнаступ Украіны будзе маланкавым

Перадавыя падраздзяленні дасягнуць кульмінацыі праз 72 гадзіны.

Былы дырэктар Цэнтральнай выведуправы ЗША (ЦРУ) генерал Дэвід Петрэус перакананы, што контрнаступ Сіл абароны Украіны будзе уражальным. На яго думку, гэта стратэгічная аперацыя дасягне кульмінацыі ўжо ў першыя тры-чатыры дні.

Аб гэтым ён заявіў у праграме «Сёння» на BBC Radio 4 пасля таго, як наведаў Кіеў і сустрэўся з прэзідэнтам Уладзімірам Зяленскім.

Яго словы працытавала выданне The Guardian.

Так, генерал амерыканскага войска ў адстаўцы і дзяржслужбоўца адзначыў мужнасць украінскага народа, а таксама вайскоўцаў. Ён падкрэсліў, што ўкраінцы «поўныя рашучасці вызваліць сваю краіну».

«Маю такое адчуванне, што яны дасягнуць эфекту ад спалучэння розных тыпаў зброі, гэта значыць, паспяхова правядуць камбінаваную аперацыю», – указаў Петрэус з нагоды контрнаступлення.

Ён зазначыў, што гэта будзе паэтапная і супольная работа многіх сіл. Яе генерал бачыць у такой паслядоўнасці: спачатку наперад будуць рухацца сапёры, пераадольваючы перашкоды і абясшкоджваючы мінныя палі, а ўслед за імі будзе ехаць бронетэхніка, абароненая пяхотай ад супрацьтанкавых ракет. Са слоў Петрэуса, будуць дапамагаць таксама сілы супрацьпаветранай абароны, трымаючы як мага далей варожую авіяцыю, а сродкі радыёэлектроннай барацьбы будуць глушыць радыёсеткі акупантаў. У далейшым будзе рухацца лагістыка пад прыкрыццём артылерыі і мінамётаў.

«Перадавыя падраздзяленні непазбежна дасягнуць кульмінацыі праз 72-96 гадзін», – спрагназаваў экс-дырэктар ЦРУ.

У размове з журналістамі на радыё прагучала таксама пытанне Крыма і Петрэус выказаў меркаванне, што Украіна зможа перакрыць Расеі наземны доступ да паўвострава і пачне «працэс яго ізаляцыі».

Разам з тым наконт вызвалення Крыма, акупаванага агрэсарам у 2014-м, генерал адзначыў коратка: «Не ў гэтым контрнаступе».

«Аднак калі ўкраінцы змогуць пачаць ізаляваць паўвостраў, я думаю, гэта вельмі, вельмі істотна зменіць дынаміку», – растлумачыў Петрэус.

Раней ён зазначыў, што ў будучым контрнаступленні УСУ будуць мець значную перавагу над нязладжанымі падраздзяленнямі сіламі і наймітамі войска РФ. З яго слоў, расейскае камандаванне шукае магчымасці для дасягнення хаця б «найменшых перамог» на фронце.