З-пад завалаў у прыгарадзе Дняпра дасталі цела двухгадовай дзяўчынкі

Дзіця забіла расейская ракета.

У выніку расейскага ўдару па прыгарадзе Дняпра, які адбыўся вечарам 3 чэрвеня, пацярпелі 22 чалавекі, а ўначы ратавальнікі дасталі з-пад завалаў цела двухгадовай дзяўчынкі.

Пра гэта паведаміў кіраўнік Днепрапятроўскай АВА Сяргей Лысак.

З яго слоў, два двухпавярховыя дамы, паміж якіх трапіла ракета, часткова зруйнаваныя. Пашкоджаныя і 10 прыватных дамоў, аўто, крама, газаправоды.

Таксама ў выніку ракетнага ўдару РФ пацярпелі 22 чалавекі, сярод якіх пяцёра дзяцей.