Палітолаг: Захад можа знішчыць Чарнаморскі флот РФ

Расеі бессэнсоўна выкарыстоўваць ядзерную зброю супраць Украіны.

Расеі няма сэнсу выкарыстоўваць ядзерную зброю супраць Украіны, бо СПА УСУ эфектыўна збівае варожыя ракеты. Да таго ж на Захадзе выразна папярэдзілі Маскву, што ў выпадку падобных дзеянняў будзе знішчаны прынамсі Чарнаморскі флот РФ. Пуцін павінен дакладна разумець наступствы, якія пры такім развіцці падзей не абмяжуюцца інцыдэнтамі ў Белгарадзе ці Маскве. Аб гэтым заявіў намеснік дырэктара Цэнтра даследаванняў арміі, канверсіі і раззбраення ў міжнародных пытаннях Міхаіл Самусь.

У інтэрв'ю «Главреду» ён распавёў аб тым, што Расеі бессэнсоўна выкарыстоўваць ядзерную зброю супраць Украіны, паколькі СПА Паветраных сіл УСУ дэманструе высокі ўзровень эфектыўнасці ў адбіцці расейскіх ракетных нападаў.

«Ужыванне ядзернай зброі не мае ніякага сэнсу, калі ўсе ракеты збіваюцца. Украінская СПА зараз мае 100-адсоткавую эфектыўнасць супраць «Іскандэраў» і «Кінжалаў». Дык які сэнс выкарыстоўваць ядзерную зброю, калі носьбіты, якія казалі, што яны з'яўляюцца «чароўнымі» інструментамі, якія прабіваюць любую СПА, напраўду не могуць яе прабіць?!» - адзначыў Самусь.

Паводле ягоных слоў, яшчэ адзін аргумент супраць агрэсіўнай патэнцыйнай пастановы Крамля - адказ Захаду, які можа, як мінімум, знішчыць Чарнаморскі флот РФ.