Першыя групы ўкраінскіх пілотаў ужо адправіліся на навучанне ў Брытанію

Тамака яны пройдуць навучанне кіраванню заходнімі знішчальнікамі.

Украіна ўжо накіравала ў Брытанію першыя групы сваіх пілотаў. Тамака яны пройдуць навучанне кіраванню заходнімі знішчальнікамі.

Пра гэта паведамляе РБК-Украіна са спасылкай на прэм'ер-міністра Украіны Дзяніса Шмыгаля ў Telegram.

Кіраўнік урада расказаў, што ён правёў сустрэчу з міністрам замежных спраў Брытаніі Джэймсам Клеверлі. Галоўнымі тэмамі сталі зброевая падтрымка, аднаўленне краіны і інтэграцыя ў NATO.

«Падзякаваў за непахісную падтрымку. За лідарства ў стварэнні кааліцыі знішчальнікаў і за гатоўнасць вучыць нашых пілотаў. Першыя групы ўжо адпраўленыя ў Брытанію», - напісаў Шмыгаль.

Ён таксама дадаў, што УСУ на полі бою пераарыентуюцца на стандарты NATO. Таму на саміце Альянсу, які пройдзе ў Вільні 11-12 ліпеня, нашая краіна павінна пачуць пра будучыню ў NATO.

Шмыгаль расказаў, што ён заклікаў брытанскага міністра ўзмацніць санкцыі супраць Расеі, у тым ліку наконт экспарту тавараў двайнога прызначэння.

«Вітаем удзел Брытаніі ў хуткім аднаўленні. Прынамсі, у аднаўленні шасці мастоў у Кіеўскай вобласці. Спадзяемся на хуткую распрацоўку кампенсацыйнага механізму. Расея павінна заплаціць за ўсё разбуранае», - дадаў прэм'ер.