СМІ: Першых асоб у Крамлі папярэдзілі аб пагаршэнні стану Пуціна

Лекары разводзяць рукі.

Прэзідэнт РФ Уладзімір Пуцін атрымаў вынікі абследавання, і яны выявіліся несуцяшальнымі. Telegram-канал "Генерал СВР", які нібыта вядзе былы генерал Службы замежнай выведкі РФ, сцвярджае, што стан здароўя расейскага прэзідэнта далей пагаршаецца, а лячэнне не дапамагае.

«У прэзідэнта зноў быў агляд лекарамі і кансультацыі праз відэасувязь з медыкамі, якія бяруць удзел у лячэнні Пуціна з іншай дзяржавы. Абмяркоўвалі вынікі абследавання, якое прэзідэнт прайшоў у канцы мінулага тыдня. Нічога падбадзёрвальнага для Пуціна ў выніках абследавання няма», - гаворыцца ў паведамленні.

Паводле звестак канала, хвароба Пуціна прагрэсуе. Адны з найлепшых адмыслоўцаў у свеце ў гэтай галіне не могуць нічога зрабіць, лячэнне не дае належных вынікаў.

«Ад прэзідэнта не хаваюць інфармацыю аб ягоным рэальным стане, вядома, спрабуючы абнадзеіць, але гэта не моцна дапамагае. Найбліжэйшае асяроддзе папярэдзілі, што паляпшэння чакаць не выпадае, і ёсць прагноз да пагаршэння», - дадалі на канале.