У РФ на Урале бастуюць шахцёры

Яны ўжо 24 гадзіны знаходзяцца пад зямлёй.

Як паведамляе выданне Е1.ru, у РФ супрацоўнікі «Марыінскай капальні» ва ўральскім пасёлку Малышава ўжо дзень знаходзяцца пад зямлёй, адмаўляючыся паднімацца.

Яны заявілі, што на адзіным у Расеі радовішчы дыяментаў кіраўніцтва плануе масавыя скарачэнні праз паэтапнае спыненне працы шахты і яе наступнай кансервацыі.

Працы могуць пазбавіцца дзвесце чалавек. Само прадпрыемства зняпраўджвае гэтую інфармацыю.