Генштаб УСУ: За дзень на ўсходзе Украіны прайшло 27 баёў

Украінскія абаронцы адбілі ўсе атакі ў раёне горада Мар'інка.

Расейскія акупанты засяроджваюць асноўныя намаганні на спробах поўнай акупацыі Луганскай і Данецкай абласцей, цягам дня адбылося 27 баявых сутыкненняў. Пра гэта Генеральны штаб Узброеных сілаў Украіны паведаміў у вечаровай зводцы за 9 чэрвеня.

– Праціўнік засяроджвае асноўныя намаганні на спробах поўнай акупацыі Луганскай і Данецкай абласцей. Цягам дня адбылося 27 баявых сутыкненняў. На Купянскім кірунку артылерыйскія і мінамётныя абстрэлы зазналі Масютоўка, Ліман Першы, Кіслаўка, Табаеўка, Берастава Харкаўскай вобласці і Навасёлаўскае Луганскай вобласці. На Ліманскім кірунку цягам дня вораг вёў беспаспяховыя наступальныя дзеянні ў раёне Белагораўкі. Нанёс авіяцыйныя ўдары па населеных пунктах Неўскае Луганскай вобласці і Ямполеўка, Дронаўка, Северск, Спірнае Данецкай вобласці. Артылерыйскія абстрэлы зазналі Неўскае, Белагораўка Луганскай вобласці і Торскае, Дубрава, Верхнякаменскае, Спірнае, Раздолеўка Данецкай вобласці, – гаворыцца ў паведамленні.

Адзначаецца, што на Бахмуцкім кірунку праціўнік вёў наступальныя дзеянні ў кірунку Багданаўкі, поспеху не меў. Нанёс авіяцыйныя ўдары ў раёнах Белай Гары і Тарэцка Данецкай вобласці. Ад варожых артылерыйскіх абстрэлаў пацярпелі раёны населеных пунктаў Звонаўка, Нікіфараўка, Васюкоўка, Арэхава-Васільеўка, Навамаркава, Калінаўка, Іванаўскае, Белая Гара, Дружба, Тарэцк, Севернае Данецкай вобласці.

На Аўдзееўскім кірунку, як праінфармавалі ў Генштабе УСУ, вораг здзейсніў няўдалыя спробы наступу непадалёк населеных пунктаў Севернае і Невельскае. Нанёс авіяцыйныя ўдары ў раёнах Васільеўкі і Первамайскага. Учыніў артылерыйскія абстрэлы раёнаў населеных пунктаў Новаданецкае, Бердзічы, Аўдзееўка, Вадзяное, Невельскае Первамайскае Данецкай вобласці.

Акрамя таго, у зводцы гаворыцца, што ўкраінскія абаронцы адбілі ўсе варожыя атакі ў раёне горада Мар'інка. Праціўнік панёс страты. У той самы час вораг здзейсніў артылерыйскія абстрэлы ў раёнах населеных пунктаў Георгіеўка, Мар'інка, Астроўскае, Курахава, Дачнае, Пабеда, Новаміхайлаўка, Кацярынаўка Данецкай вобласці.

– На Шахцёрскім кірунку вораг нанёс авіяцыйныя ўдары ў раёне Вялікая Навасёлка і Благадатнае Данецкай вобласці. Учыніў абстрэлы населеных пунктаў Вуглядар, Шахцёрскае, Новаўкраінка, Залатая Ніва і Няскучнае Данецкай вобласці. На Запарожскім і Херсонскім кірунках вораг прадаўжае весці абарончыя дзеянні. Нанёс авіяцыйныя ўдары ў раёне Навасёлкі Данецкай вобласці і Вольгаўскага, Гуляйполя і Стэпавага Запарожскай вобласці. Здзейсніў артылерыйскія абстрэлы больш як 30 населеных пунктаў. Сярод іх Бурлацкае, Зялёнае Поле, Навасёлка, Наваполь, Тэміроўка Данецкай вобласці; Вольгаўскае, Гуляйполе, Залізнічнае, Белагор'е і Каменскае Запарожскай вобласці і горад Херсон, – заявілі ў Генштабе.