У Смалявіцкім лоб у лоб сутыкнуліся дзве легкавушкі

Пацярпелі чатыры чалавекі, двое - у рэанімацыі.

У выніку ДТЗ на смалявіцкім адцінку трасы Р59 Лагойск — Мар'іна Горка пацярпелі чатыры чалавекі. Паводле папярэдняй інфармацыі, 29-гадовы кіроўца Citroen Xantia, ехаў з боку Чэрвеня ў накірунку Смалявіч. Падчас абгону ён выехаў на паласу сустрэчнага руху і сутыкнуўся з сустрэчным аўтамабілем Volkswagen Passat, якім кіраваў 47-гадовы кіроўца.

У выніку ДТЗ атрымалі цялесныя пашкоджанні кіроўцы аўтамабіляў, а таксама двое пасажыраў аўтамабіля Citroen Xantia 2002 і 1991 гадоў нараджэння, піша БелТА са спасылкай на ДАІ.

Усім пацярпелым нададеная першасная медыцынская дапамога брыгадамі хуткай меддапамогі, пазней іх шпіталізавалі ў Смалявіцкую ЦРБ, паведаміла 4 ліпеня прэс-служба Міністэрства аховы здароўя.

У пацярпелых дыягнаставаныя траўмы рознай ступені цяжкасці, у тым ліку чэрапна-мазгавыя, пераломы, пашкоджанні ўнутраных органаў. Ім надаецца ўся неабходная меддапамога.

Двое пацярпелых, у якіх дыягнаставаныя розныя складаныя спалучаныя траўмы, шпіталізаваныя ў аддзяленне анэстэзіялогіі і рэанімацыі.