Зяленскі: Украіна стварыла альтэрнатыўны збожжавы калідор у Чорным моры

Падрабязнасці.

Прэзідэнт Украіны Уладзімір Зяленскі 21 жніўня падчас візіту ў Грэцыю заявіў пра стварэнне Украінай альтэрнатыўнага «збожжавага калідора». Пра гэта ён сказаў на супольнай прэс-канферэнцыі з прэм'ер-міністрам Грэцыі Кірыякасам Міцатакісам, паведамляе карэспандэнт ««Гардон».

Зяленскі расказаў, што адной з тэмаў ягонай размовы з Міцатакісам была сітуацыя ў Чарнаморскім рэгіёне, сярод іншага – пагроза, якую краіна-агрэсарка Расея стварыла для партоў і свабоды мараплаўства. Ён адзначыў, што Украіна робіць усё магчымае, каб аднавіць бяспеку ўзбярэжжа Чорнага і Азоўскага мораў.

«Гэта важна з глабальнага гледзішча. З гледзішча харчовай бяспекі для ўсяго свету, розных рэгіёнаў, у тым ліку рэгіёнаў Афрыкі, якія побач з Паўднёвай Еўропай. Украіна стварыла альтэрнатыўны "збожжавы калідор" у Чорным моры. Ён можа працаваць. Але каб ягоная праца была стабільнай, мы маем патрэбу ва ўзмацненні паветранага шчыта. І гэта вельмі важна для Чарнаморскага рэгіёну, сярод іншага для нашага горада Адэсы. І гэта можа быць гістарычны фундуш Грэцыі ў агульнаеўрапейскую бяспеку, калі вы дапаможаце нам з абаронай менавіта Чарнаморскай акваторыі і ў сістэмах СПА. Я прапанаваў варыянты, як мы можам гэта абмяркоўваць, як гэта можна зрабіць. І вельмі важна, што кампаніі з Грэцыі гатовыя ўдзельнічаць у транспартаванні ўкраінскага збожжа. Мы вельмі на гэта спадзяемся», – дадаў ён.