Кіраўнік Еўрарады назваў магчымыя тэрміны прыёму ў ЕЗ новых сябраў

Вайна Расеі супраць Украіны адрадзіла палітыку пашырэння ЕЗ.

ЕЗ павінен быць гатовы прыняць новых чальцоў да 2030 году. Кіраўнік Еўразвязу Шарль Мішэль пакладзе пачатак дэбатам аб пашырэнні, якія будуць дамінаваць у дыскусіях на высокім узроўні ўнутры блока да канца года.

Пра гэта паведамляе РБК-Украіна са спасылкай на Financial Times.

Як адзначае выданне, вайна Расеі супраць Украіны адрадзіла палітыку пашырэння ЕЗ, якая раней знаходзілася ў коме. Брусэль зрабіў Украіну, Малдову і Албанію краінамі-кандыдатамі і справакаваў сур'ёзныя ўнутраныя дэбаты аб тым, як блок зможа прыняць да васьмі новых членаў.

«Калі мы хочам, каб нам давяралі, мы павінны казаць пра тэрміны, - гаворыцца ў падрыхтаванай прамове Мішэля. - Пакуль мы рыхтуем наступны стратэгічны парадак дня ЕЗ, мы павінны паставіць перад сабой дакладную мэту. Мы з абодвух бакоў павінны быць гатовыя да пашырэння да 2030 года».

Паводле яго слоў, зараз неабходна разглядаць пашырэнне як адну з нашых галоўных задач. «І для ЕЗ, і для яго будучых дзяржаў-чальцоў», - раскажа Мішэль на стратэгічным форуме ў Славеніі перад аўдыторыяй, у якую ўвойдуць лідары краін-кандыдатаў Малдовы, Албаніі, Паўночнай Македоніі, Чарнагорыі, Сербіі і Босніі і Герцагавіны.

Роля Мішэля як прэзідэнта Еўрарады ў тым, каб заахвочваць і ўгаворваць 27 дзяржаў-чальцоў прыйсці да кансэнсусу, і яго смелая заява мяркуе, што ён пачуў дастаткова на нядаўніх самітах лідараў, каб паверыць у тое, што гэта магчыма. Лідары ЕЗ правядуць сваю першую спецыяльную дыскусію па гэтай тэме ў Гранадзе (Гішпанія) у пачатку кастрычніка.

Уступленне Украіны ў ЕЗ

Украіна намагае на тым, каб ЕЗ пагадзіўся пачаць афіцыйны працэс уступлення да канца года. А пытанне аб тым, як забяспечыць фінансавую падтрымку ўсім кандыдатам (і Украіне ў тым ліку), знаходзіцца ў цэнтры працяглых паралельных дэбатаў аб папаўненні бюджэту ЕЗ. Многія дзяржавы-чальцы ў прыватным парадку задаюцца пытаннем, як ЕЗ можа адаптавацца да Украіны, самай беднай краіны-кандыдаткі за ўсю гісторыю. Але палітычная воля зараз яна гуляе на руку Кіеву. «Гэта амбіцыйна, але неабходна. Гэта паказвае, што мы настроены сур'ёзна. Акно магчымасцяў адчыненае. Нам трэба дзейнічаць у адпаведнасці з гэтым», - мяркуе Мішэль.