На папулярным у беларусаў турэцкім курорце адбылася перастрэлка ў гатэлі

Ёсць загінулы.

Адзін чалавек загінуў, яшчэ тры атрымалі раны ў перастрэлцы ў гатэлі на курорце ў Турцыі, паведамляе выданне Yeni Şafak.

"У Бодруме адбыўся ўзброены канфлікт паміж трыма людзьмі, якія прыехалі ў гатэль на аўтамабілі, асобы якіх пакуль не ўстаноўленыя, і трыма людзьмі, якія пражывалі ў гатэлі", – піша газета.

Паводле звестак выдання, у выніку перастрэлкі загінуў 28-гадовы мужчына, двое 22-гадовых і 17-гадовы хлопец атрымалі раны і былі дастаўленыя ў лякарню.

Паводле факту інцыдэнту распачатае расследаванне. Зараз паліцыя шукае падазроных.