Расейскія турысты масава памкнуліся ў Беларусь

Наша краіна стала найбольш папулярным турыстычным кірункам у расейцаў.

Беларусь з'яўляецца найбольш папулярным турыстычным кірункам у расейцаў. Пра гэта паведаміў Расейскі саюз турыстычнай індустрыі са спасылкай на звесткі турыстычных аператараў, якія ўваходзяць у арганізацыю.

Часцей за ўсё расейцы запытваюць у аператараў кароткія выправы ў нашу краіну, другое месца ў папулярнасці займае санаторны адпачынак, а трэцяе — экскурсійныя выправы.

РСТ ацэньвае колькасць расейцаў, якія наведалі летась Беларусь, на мільён чалавек.

У пяцёрку найбольш папулярных кірункаў таксама ўваходзяць Узбекістан, Арменія, Кіргізстан і Азербайджан.