Даляр далей даражэе на таргах

На гэта пільна адрэагавалі абменнікі.

Даляр на таргах Беларускай валютна-фондавай біржы ў панядзелак, 28 жніўня, даражэе. На навіны біржы пільна рэагуюць банкі — курс продажу амэрыканскай валюты зноў перасягнуў адзнаку 3,2 рубля. «Зеркало» паглядзела, якія курсы валют устанавілі абменнікі.

На 12.24 курс даляра на таргах Беларускай валютна-фондавай біржы вырас на 0,67% — да 3,1931 рубля. Таргі працягваюцца. Пры гэтым таргі еўрамі не праводзіліся на момант выхаду гэтага тэксту.

На навіны біржы рэагуюць банкі. Так, найвышэйшы курс продажу банкамі даляра — 3,21 рубля («Банк БелЗЭБ», «Прыёрбанк», «Сбер Банк (Беларусь)»), а найніжэйшы — 3,193 рубля («БНБ-Банк», «РРБ-Банк» , «Статусбанк»).

Удакладнім, што ў розных абменніках аднаго банка курсы валют могуць адрознівацца.

Выгадней за ўсё здаваць амэрыканскую валюту ў "Альфа-Банк (Беларусь)", "БНБ-Банк", "РРБ-Банк", "Тэхнабанк" — 3,187 рубля.

Самы высокі курс продажу банкамі еўраў — 3,48 рубля ("Банк БелЗЭБ"), а найніжэйшы — у "Банку Дабрабыт" (3,435 рубля).

Еўры больш выгадна здаваць у "Банк ВТБ (Беларусь)", "Парытэтбанк", "Статусбанк" — 3,428 рубля.

Нагадаем, у Беларусі захоўваюцца цяжкасці з гатовымі еўрамі ў абарачэнні. Шмат якія банкі цяпер прадаюць толькі тыя банкноты, якія здаюць іншыя кліенты.