Ва Украіне паказалі тэст-драйв робатаў-камікадзэ, якіх задзейнічаюць на фронце

Яны дапамогуць больш эфектыўна знішчаць акупантаў.

Украінскія вайскоўцы атрымаюць у карыстанне дыстанцыйных робатаў камікадзэ. Яны дапамогуць больш эфектыўна знішчаць ворага. Пра гэта паведаміў міністр лічбавай трансфармацыі Украіны Міхаіл Фёдараў.

«Праверыў у палявых умовах 25 унікальных распрацовак – ад лагістычных да баявых, ад дыстанцыйных турэляў да робатаў-камікадзэ. Ужо хутка яны дапамогуць вайскоўцам больш эфектыўна знішчаць ворага», – расказаў Фёдараў.

Ён адзначыў, што тэхналогіі і інавацыі з'яўляюцца ключом да перамогі Украіны.

«Цяпер у нас значны прагрэс на рынку беспілотнікаў – кампаніі маштабуюцца і актыўна развіваюцца. Далей мы пашырым гэты досвед на Армію дронаў», – падкрэсліў ён.