Кадырава наважылі зліквідаваць: выкрытая нечаканая прычына і імаверны сцэнар

Эксперт расказаў, што стала сігналам для спецслужбаў.

Расейскія спецслужбы наважылі зліквідаваць лідэра Чачэніі Рамзана Кадырава, заявіў сустаршыня грамадскай ініцыятывы «Правая справа» Дзмітрый Снегіроў.

На ягоную думку, прычынамі з'яўляецца тое, што Кадыраў адмовіўся праводзіць мабілізацыю ў Чачэніі на вайну ва Украіну, а таксама фактычна стварыў на тэрыторыі рэспублікі падкантрольную яму ПВК. Такое меркаванне ён выказаў у інтэрв'ю «Главреду».

«А таксама гэта спроба ўплываць на палітычныя працэсы ўнутры самой Расейскай Федэрацыі і рост мусульманскага чынніка ў Расейскай Федэрацыі. Усе гэтыя складнікі і даюць падставу казаць, што расейскія спецслужбы наважылі нэйтралізаваць сам характар магчымых невыгод», — адзначыў ён.

Эксперт мяркуе, што расейскія спецслужбы наважылі зліквідаваць Кадырава, каб не дапусціць магчымасці ягонага выступу супраць Крамля ў будучыні.

«Няма лідэра — няма каму ўзначальваць (бунт — рэдакцыя). А як могуць зліквідаваць, дык давайце паглядзім, як яны зліквідавалі прадстаўнікоў чачэнскага руху супраціву. Там шмат было сцэнароў. Дудаева забілі ракетным ударам, прычым праз тэлефон з ім размаўляў «добры расеец», які цяпер не вылазіць з украінскіх мэдый. Давайце яшчэ ўспомнім Басаева, Масхадава. І ад шматлікіх чыннікаў залежыць, які менавіта сцэнар будзе рэалізаваны», — дадаў Снегіроў.