Якое надвор'е чакае беларусаў на выходных

Прагноз на 22-24 верасня.

22 верасня варункі надвор'я ў Беларусі будзе вызначаць вобласць павышанага атмасфернага ціску. Пераменная воблачнасць. Пераважна без ападкаў. У начны і ранішні час у асобных раёнах чакаецца слабы туман. Вецер паўднёвы, паўднёва-ўсходні сярэдні, удзень парывісты, месцамі на захадзе моцны парывісты. Тэмпература паветра мінімальная ўначы +10..+15°С, месцамі ў краіне +7..+9°С, максімальная ўдзень +22..+27°С. Атмасферны ціск істотна не зменіцца, піша pogoda.by.

23 верасня большая частка тэрыторыі рэспублікі ў асноўным застанецца пад уплывам вобласці павышанага атмасфернага ціску, раніцай і ўдзень на заходнюю палову краіны чакаецца перамяшчэнне франтальнага падзелу з тэрыторыі Польшчы. Пераменная воблачнасць. Уначы месцамі на захадзе, раніцай і ўдзень пераважна ў заходняй палове краіны пройдуць кароткачасовыя дажджы. У асобных раёнах рэспублікі прагрымяць навальніцы. Вецер паўднёвай чвэрці парывісты, у дзённы час месцамі моцны парывісты. Тэмпература паветра мінімальная ўначы +11..+18°С, максімальная ўдзень +21..+28°С.

24 верасня тэрыторыя краіны будзе знаходзіцца пад уплывам кантраснага атмасфернага фронту, услед за якім пачнуць паступаць прахалодныя паветраныя масы з Балтыйскага мора. Воблачна з прасвятленнямі. На большай частцы тэрыторыі рэспублікі пройдуць дажджы, уначы месцамі ў краіне чакаюцца моцныя дажджы. У асобных раёнах прагрымяць навальніцы. Вецер паўднёвы з пераходам на паўночна-заходні парывісты, удзень месцамі моцны парывісты. Тэмпература паветра мінімальная ўначы +12..+18°С, максімальная ўдзень +16..+23°С, на паўднёвым усходзе краіны +24..+28°С.