Жонкі расейскіх вайсковых лётчыкаў, якія бамбуюць Украіну, баяцца выходзіць надвор

Іх папярэдзілі аб наступствах.

Жонкі расейскіх вайсковых лётчыкаў да смерці перапалоханыя ад пагроз, якія паступаюць іх мужам. Невядомыя даведаліся нумары тэлефонаў і адрасы пілотаў, якія бамбуюць украінскія гарады, і распісалі сцены іх дамоў надпісамі са словам «Забойцы».

У горадзе Энгельсе пад Саратавам размешчаны аэрадром, адкуль учыняюцца налёты на Украіну.

Пра гэта паведамляе тэлеграм-канал «Украіна 365» і публікуе запіс ананімнага званка аднаму з пілотаў.

Невядомы абвінавачвае яго ў забойстве ўкраінцаў і зычыць, каб ён «вечнасць гніў у самай горшай турме».

Лётчыкаў і іх жонак так «апрацоўваюць» ужо некалькі тыдняў - жанчыны баяцца выходзіць надвор і не выпускаюць з кватэр дзяцей, піша адна з іх у лісце каналу SOTA.