13 лiпеня 2024, Субота, 20:50
Падтрымайце
сайт
Сім сім,
Хартыя 97!
Рубрыкі

У продажы з'явілася машына спецыяльна для маладых мамаў

3
У продажы з'явілася машына спецыяльна для маладых мамаў

Вось колькі яна каштуе.

Даччын брэнд кітайскага аўтаканцэрна BAIC прапанаваў вельмі незвычайную навінку – кампакт-вэн Arcfox Kaola, распрацаваны спецыяльна для маладых мамаў. Першапачаткова яго паказалі ў статусе канцэпту, але кампанія атрымала мноства дадатных водгукаў і пастанавіла запусціць аўтамабіль у серыю, піша av.by.

Чатырохмясцовая машына мае даўжыню 4,5 метра і колавую базу 2 820 мм. У рух Arcfox Kaola прыводзіцца адзіным электраматорам на пярэдняй восі, якія выдаюць 163 л. с. Батарэя на 58,8 квт забяспечвае запас ходу да 500 км без падзарадкі.

Мадэль Arcfox Kaola мае мноства асаблівасцяў, якія будуць цікавыя менавіта мамам з маленькімі дзецьмі ці цяжарным жанчынам. На другім радзе ўстаноўленыя два раздзельныя сядзенні, на адным з іх ужо размешчанае спецыяльнае трансфармаванае дзіцячае крэсла. Платформа-носьбіт электрыфікаваная і паварочваецца ў бок аднаго з бацькоў, калі трэба пасадзіць або забраць дзіця. Калі маляня засне, крэсла само прыме больш гарызантальнае становішча.

Правае сядзенне ззаду аптымізаванае для перавозкі цяжарных жанчынаў: у ім можна ехаць паўлежачы, паклаўшы ногі на апушчаную наперад спінку пярэдняга пасажырскага крэсла. На гэтым унікальныя асаблівасці машыны не заканчваюцца. Спераду ёсць падлакотнік, які можа трансфармавацца ў столік для спавівання.

У спіс абсталявання серыйнай версіі ўвайшлі, апроч іншага, відэакамера для назірання за заднімі сядзеннямі, кандыцыянер з фільтрам тонкіх часціцаў і крыніца ўльтрафіялету, які дазваляе прадэзынфекаваць салон. Прыём заказаў у Кітаі ўжо адкрыты, кошт – ад 18 100 да 23 300 даляраў.

Напісаць каментар 3

Таксама сачыце за акаўнтамі Charter97.org у сацыяльных сетках