Узяцце Токмака: генерал Тарнаўскі заявіў аб самым вялікім прарыве УСУ

«Лінія Суравікіна» не стала перашкодай для ўкраінскага войска.

Зіма не стане перашкодай для працягу контрнаступу Сіл абароны Украіны, бо ўкраінскія ваяры прасоўваюцца збольшага без тэхнікі і невялікімі групамі. Самы вялікі прарыў на фронце яшчэ наперадзе — для далейшага поспеху ўкраінскім сілам неабходна як мінімум дасягнуць места Токмака ў Запарожскай вобласці.

Пра гэта сказаў начальнік аперацыйна-стратэгічнай групоўкі войскаў "Таўрыя" брыгадны генерал Аляксандр Тарнаўскі ў інтэрв'ю выданню CNN. Паводле ягоных слоў, надвор'е ўзімку можа стаць перашкодай, але наўрад моцна паўплывае на контрнаступ УСУ.

Генерал мяркуе, што вялікі прарыў Украіны на фронце — яшчэ наперадзе.

“Я думаю, гэта адбудзецца пасля Токмака. На гэты момант яны (расейскія акупанты — рэдакцыя) разлічваюць на глыбіню сваёй лініі абароны там», — сказаў ён.

Начальнік дадаў, што Токмак — гэта мэта-мінімум, а галоўная мэта — дапяць да дзяржаўных меж Украіны.

Тарнаўскі адзначыў, што самай сур'ёзнай праблемай з'яўляецца не "лінія Суравікіна", а "скрыжаванні, лініі дрэў і мінныя палі паміж лініямі дрэў".

«Існуе спалучэнне невялікіх шкодных груп абароны супраціўніка, якія цяпер размешчаныя вельмі дакладна і пісьменна. Але дзеянні нашых байцоў змушаюць іх павольна адыходзіць, калі яны сутыкаюцца з нашымі штурмавымі аддзеламі», — падкрэсліў брыгадны генерал.