Украінскія партызаны паказалі, як сочаць за ўправай ФСБ у Севастопалі

Раней яны скарэктавалі агонь па штабе Чарнаморскага флоту РФ.

Партызаны з групы «Атэш» паказалі, як яны сочаць за ўправай ФСБ у часова акупаваным расейцамі Севастопалі ў Крыме. Там літаральна напярэдадні прыляцела па штабе Чарнаморскага флоту Расеі падчас нарады кіроўнага складу ворагаў.

Менавіта таму, са слоў Буданава, некаторыя расейскія генералы – параненыя, ёсць загінулыя акупанты. У «Атэшы» расказвалі, што агонь карэктавалі іх агенты і звычайныя севастопальцы.

Партызаны ваеннага партызанскага руху на часова акупаваных тэрыторыях Украіны і Расеі расказалі, што севастопальцы сочаць за ўправай расейскага ФСБ.

«Севастопаль - важны горад у кантэксце вызвалення Крыму. Нашы агенты вядуць выведку проста перад носам управы ФСБ Расеі ў рэспубліцы Крым і горадзе Севастопалі», – заявілі ў «Атэшы».

Яны адзначылі, што мясцовыя жыхары актыўна супрацоўнічаюць з партызанамі і працуюць над выгнаннем расейцаў з горада.

У сераду 22 верасня ў Севастопалі раздаліся выбухі. Расейскія акупацыйныя «ўлады» прызналі, што Украіна ўдарыла па штабе Чарнаморскага флоту Расеі ў Севастопалі.