Беларускія банкі закрываюць рахункі нерэзідэнтаў, адкрытыя праз даверанасць

Кліентаў заклікаюць зняць ці перавесці грошы.

«БНБ-Банк» заявіў, што спыняе касавае і разліковае абслугоўванне нерэзідэнтаў, якія адкрылі рахункі паводле даверанасці. Прычым, як гаворыцца ў паведамленні на сайце банка, гэтая пастанова ўвойдзе ў дзеянне ўжо 26 верасня. Як высветліў Office Life, яно тычыцца грамадзян іншых краін.

Праз тры дні банк абяцае спыніць дзеянне дамоў на абслугоўванне рахункаў і картак, а таксама дыстанцыйнае абслугоўванне кліентаў-нерэзідэнтаў, якія адкрылі рахункі не асабіста, а з выкарыстаннем даверанасці.

Іх просяць самастойна да 26 верасня прывесці карткі і рахункі, адкрытыя ў банку, да нулявога балансу. Гэта можна зрабіць, альбо перавёўшы грошы на іншы рахунак, альбо атрымаць іх гатоўкай непасрэдна ў банку.

Як паведамілі OL у «БНБ-Банку», гэтая пастанова тычыцца не падатковых нерэзідэнтаў, а менавіта грамадзян іншых дзяржаў, якія сталі кліентамі банка праз даверанасць. У банку гавораць, што пастанова была прынятая на аснове «дзейнага банкаўскага заканадаўства Рэспублікі Беларусь, а таксама з улікам крытэрыяў выяўлення і прыкмет падазроных фінансавых аперацый».

Нагадаем, раней у Беларусі забаранілі ажыццяўляць угоды з маёмасцю грамадзян па даверанасцях, выдадзеных за межамі Беларусі.