У Чачні са школ канфіскавалі ўвесь тыраж новага падручніка гісторыі Расеі

Аўтар падручніка – памочнік Пуціна.

У Чачні са школ канфіскавалі ўвесь тыраж новага падручніка гісторыі Расеі, напісанага памочнікам Пуціна Уладзімірам Медынскім.

Пра гэта напісаў у сваім Telegram-канале старшыня рэгіянальнага парламента Магамед Даўдаў.

Спікер адзначыў, што «абноўлены падручнік гісторыі Расеі для 10-11 класаў выклікаў хвалю абурэння сярод прадстаўнікоў рэпрэсаваных у СССР народаў».

«Добра што, у нашай краіне недапушчальна абражаць народы. Тым больш народы, чые прадстаўнікі ўнеслі неацэнны ўклад ва ўмацаванне дзяржаўнасці і абарону інтарэсаў Радзімы», – дадаў аўтар публікацыі.