Світан: Штурм Крыма пачнецца сёлета

Войска РФ мае тры спосабы пакінуць паўвостраў.

Палкоўнік УСУ ў запасе Раман Світан назваў для «Главреда» сцэнары вызвалення Крыму:

- Так, мы будзем штурмаваць Крым сёлета, бо ёсць магчымасць гэта зрабіць, зайшоўшы на паўвостраў праз Армянск і высадзіўшы паветраны і марскі дэсант.

Яны пабягуць пасля таго, як мы пераб'ём чатыры масты (калідоры ў Крым).

Першы з іх — гэта Крымскі (або Керчанскі) мост, які мы ўжо два разы пашкодзілі. Думаю, трэцім разам ён будзе пашкоджаны на вельмі доўгі час і спыніць сваё існаванне як лагістычны ланцужок паставак вайсковай прадукцыі.

Другі — сухаземны калідор у Крым, над перайманнем якога мы цяпер працуем, спрабуючы выйсці на Азоўскае ўзбярэжжа. Або хаця б трэба падысці да асноўных ліній, перайсці чыгунку і ўзяць пад кантроль шашу, якая ідзе ўздоўж Азоўскага ўзбярэжжа.

Трэці мост — паветраны. Нам давядзецца знішчыць Іл-76 расейцаў. Мы ўжо пачалі іх знішчэнне, і неўзабаве будзе працяг палявання на паветраны мост, бо транспартныя самалёты могуць забяспечыць пэўнае перакідванне сіл і сродкаў супраціўніка ў Крым і назад.

Чацвёрты мост — марскі трафік. Для гэтага трэба знішчыць большасць караблёў Чарнаморскага флоту, галоўнае — вялікія дэсантныя караблі (БДК), якія выкарыстоўваюцца ў якасці паромаў. Вось па іх мы апошнім часам і наносім удары. Гэта было відаць і ў моры, і ў сухім доку. Плюс трэба затапіць большасць караблёў Чарнаморскага флоту.

Пасля таго як мы пераб'ём гэтыя чатыры масты, ніводная вайсковая групоўка не зможа доўга ўтрымлівацца ў Крыме, бо вайсковых запасаў там на паўтара-два тыдні. А гарнізонных ім стане, можа, на паўтара-два месяцы максімум. Пасля чаго гэта будуць проста "зялёныя чалавечкі", якія дзесяць гадоў таму захоплівалі Крым са стралковай зброяй, але без баявых прыпасаў.