У Расеі актывізаваліся рэйкавыя партызаны
4- 25.09.2023, 9:52
- 3,966
![У Расеі актывізаваліся рэйкавыя партызаны](https://i.c97.org/ai/457349/aux-head-1646310731-202200303_zsu3_120.jpg)
Невядомыя падпалілі адразу некалькі рэлейных шаф на чыгунцы.
У Расеі пад Краснадарам адбылася чарговая дыверсія на чыгунцы. Гэтым разам гарэлі рэлейныя і батарэйныя шафы, дзеля чаго затрымаліся электравік з Адлера і цягнік з Санкт-Пецярбурга, паведамляе Диалог.UA.
Раніцай невядомыя «мсціўцы» падкраліся да абсталявання на станцыі Крымскай і падпалілі адразу тры шафы: дзве рэлейныя і адну батарэйную. Супрацоўнікі станцыі, якія заўважылі загаранне, кінуліся тушыць.
Праваахоўнікі, якія прыехалі на месца здарэння, знайшлі пластыкавую бутэльку і слоік, як мяркуецца, з-пад паліва.
Паведамляецца, што праз гэтую дыверсію былі затрыманыя электравік Адлер-Анапа, а таксама цягнік Санкт-Пецярбург-Новарасійск. Адметна, што падпальшчыкаў шукалі, але так і не знайшлі.
Нагадаем, у жніўні ў Маскве настолькі ўдала падпалілі абсталяванне на чыгунцы, што гэта прывяло да сур'ёзнай затрымкі цягнікоў.