У Менску кіроўца праехаў па роварнай дарожцы і на чырвонае святло

Для каго тады разрысоўка?

Разрысоўка, якая абазначае роварную дарожку на праезнай частцы, каля Камароўскага рынку ў Менску існуе ўжо даволі даўно. Але дагэтуль знаходзяцца аўтамабілісты, якія наважваюць аб'ехаць плынь па ёй. Якраз такі выпадак надоечы зняў чытач «Онлайнера» на відэа.

Яго аўтар рухаўся па вуліцы Веры Харужай з боку Багдановіча і ў кірунку Якуба Коласа. Перад адным са святлафораў ён спыніўся. Пешаходы пачалі пераходзіць дарогу.

Раптам у кадры з'явіўся Opel. Ён мінуў спыненыя аўтамабілі па роварнай паласе, а затым праехаў на чырвоны сігнал. Праз некалькі імгненняў пасля яго манэўру загарэлася зялёнае святло.