«Ты нармальны?»: у Жыткавічах мужчына аблаяў міліцыянтаў

Тыя пакрыўдзіліся.

Лекарка Жыткавіцкай раённай лякарні паскардзілася ў міліцыю на пацыента, які абражаў яе проста ў кабінеце. Сілавікі адправіліся разбірацца да яго дадому, але мужчына аблаяў з балкона ўжо іх саміх - зараз ён пад «крыміналкай» за абразу «прадстаўніка ўлады», паведамілі ў Гомельскім абласным УУС.

У сярэдзіне верасня лекарка агульнай практыкі Жыткавіцкай раённай лякарні паскардзілася ў міліцыю на мясцовага жыхара, які абражаў жанчыну ў яе ж кабінеце. Да таго як часу, як туды прыехалі двое міліцыянтаў, 32-гадовы мужчына ўжо паспеў сысці з лякарні, тады сілавікі з пратаколамі паехалі да яго дадому.

На званок дамафона парушальнік не адказваў, хаця і знаходзіўся ў гэты час у кватэры. Толькі калі міліцыянеры адправіліся дадому, ён паклікаў іх з балкона і спытаў, ці не да яго яны прыйшлі і навошта. На патрабаванне адчыніць дзверы або спусціцца ўніз мужчына адказаў адмовай, а затым і зусім аблаяў візіцёраў.

Усё, што адбывалася, жыткавец здымаў на тэлефон, а потым выклаў у сацсетках.

- Ты нармальны? - крычыць на відэа мужчына з балкона міліцыянеру, практычна ўсе астатнія яго словы - нецэнзурныя.

У той дзень грубіяна ўсё ж затрымалі і склалі адміністрацыйны пратакол за дробнае хуліганства. А міліцыянты запатрабавалі лінгвістычную экспэртызу ягоных выказванняў, на падставе вынікаў якой была распачатая крымінальная справа паводле факту абразы прадстаўніка ўлады (арт. 369 КК).

Мужчыну затрымалі зноў, зараз яму пагражае да трох гадоў абмежавання волі. Дарэчы, раней ён быў судзімы за злоснае хуліганства і ўхіленне ад набору ў воййска, на яго неаднаразова складалі пратаколы за парушэнне ПДР.