Якое надвор'е чакае беларусаў на тыдні
- 25.09.2023, 17:34
- 3,466
![Якое надвор'е чакае беларусаў на тыдні](https://i.c97.org/ai/395202/aux-head-1601482611-20200930_pogoda_360.gif)
Прагноз на 26-27 верасня.
26 верасня варункі надвор'я ў Беларусі будзе вызначаць вобласць павышанага атмасфернага ціску. Чакаецца невялікая воблачнасць. Пераважна без ападкаў. У начны і ранішні час у асобных раёнах краіны будзе згушчацца слабы туман, піша pogoda.by.
Вецер няўстойлівы слабы. Тэмпература паветра мінімальная ўначы +2..+8°С, месцамі ў паўднёвай палове краіны +9..+13°С, максімальная ўдзень ад +18°С на поўначы да +26°С на паўднёвым захадзе. Атмасферны ціск уначы істотна не зменіцца, удзень будзе слаба падаць.
27-28 верасня варункі надвор'я ў Беларусі будзе вызначаць заходняя перыферыя антыцыклону, які размяшчаецца над Цэнтральнымі раёнамі Еўрапейскай Расеі. Чакаецца пераменная воблачнасць. Без ападкаў. Уначы і раніцай месцамі па краіне будзе згушчацца слабы туман. Вецер паўднёвай чвэрці ўначы слабы, удзень сярэдні. Тэмпература паветра ўначы ад +3°С на ўсходзе да +14°С на захадзе рэспублікі, удзень +20..+27°С.