КДК запусціў гарачую лінію якасці беларускіх дарог

Паведамленні будуць прымацца з 10.00 да 13.00 і з 14.00 да 17.30.

Камітэт дзяржаўнага кантролю адкрые гарачую лінію, патэлефанаваўшы на якую кожны можа даць ацэнку той ці іншай дарозе ў Беларусі. Пра гэта паведамляе прэс-служба ўстановы.

«З 26 да 28 верасня 2023 года ў кантрольнай установе будзе працаваць гарачая лінія на тэму якасці дарожнага пакрыцця магістраляў і трасаў», – гаворыцца ў паведамленні.

Патэлефанаваўшы на кароткі нумар 191, можна паведаміць пра:

нездавальняльны стан дарог, якія знаходзяцца па-за населенымі пунктамі;

неналежную працу дарожных службаў і несвоечасовую расчыстку дарог;

захламленасць і непрыбранае смецце ўздоўж трасаў, неахайны выгляд тэрыторый, прылеглых да дарог;

няякасны або несвоечасовы рамонт дарог.

Акрамя таго, супрацоўнікі камітэта гатовыя выслухаць прапановы ў павышэнні эфектыўнасці правядзення рамонтных працаў дарожнага палатна.

Паведамленні будуць прымацца з 10.00 да 13.00 і з 14.00 да 17.30.