На Мелітопальскім кірунку прадаўжаецца контрнаступальная аперацыя

УСУ паспяхова адбіваюць атакі ў раёне вёсак Рабоціна і Вярбовае.

УСУ за дзень паспяхова адбілі сем нападаў ворага ў раёне Мар'інкі Данецкай вобласці. Акупанты таксама спрабавалі аднавіць страчанае становішча ў раёне Новаміхайлаўкі, але поспеху не мелі.

Пра гэта гаворыцца ў вечаровай зводцы Генштабу УСУ ў Facebook.

Галоўнае са зводкі Генштабу УСУ:

Цягам дня адбылося 17 баявых сутыкненняў. Таксама РФ нанесла чарговы ўдар 12 крылатымі ракетамі Калібр, 2 супрацькарабельныя ракетамі П-800 Онікс і 19 іранскімі ўдарнымі БПЛА тыпу Shahed-136/131 па прыпартовай інфраструктуры Адэскай вобласці. Супрацьпаветранай абаронай знішчана 11 крылатых ракетаў Калібр і ўсе 19 шахедаў.

У цэлым вораг нанёс 14 ракетных і 57 авіяцыйных удараў, здзейсніў больш за 40 абстрэлаў з рэактыўных сістэмаў залпавага агню па пазіцыях украінскіх войскаў і населеных пунктах. З прычыны расейскіх тэрарыстычных нападаў, на жаль, ёсць загінулыя і параненыя сярод цывільнага насельніцтва. Разбурэнні і пашкоджанні зазналі жылыя дамы, гатэль, дзіцячы сад і іншая цывільная інфраструктура.

Аператыўная абстаноўка на ўсходзе і поўдні Украіны застаецца складанай.

На Валынскім і Палескім кірунках аператыўнае становішча без істотных зменаў.

На Северскім і Слабажанскім кірунках праціўнік захоўвае ваенную прысутнасць у памежных раёнах, прадаўжае абстрэлы населеных пунктаў з тэрыторыі РФ, нарошчвае шчыльнасць мінна-выбухных загародаў уздоўж дзяржаўнай мяжы Украіны.

На Купянскім кірунку праціўнік нанёс авіяцыйныя ўдары непадалёк ад Сінькоўкі, Іванаўкі, Кіслоўкі Харкаўскай вобласці. Артылерыйскія і мінамётныя абстрэлы зазналі больш за 10 населеных пунктаў.

На Ліманскім кірунку авіяцыйныя ўдары ворага зазналі населеныя пункты Надзія, Неўскае, Белагораўка Луганскай вобласці і Спірнае, Васюкоўка Данецкай вобласці. Ад артылерыйскіх і мінамётных абстрэлаў пацярпелі больш за 15 населеных пунктаў.

На Бахмуцкім кірунку ўкраінскія абаронцы паспяхова адбілі атаку ворага ў раёне Клішчыеўкі Данецкай вобласці. Вораг нанёс авіяцыйны ўдар каля Севернага Данецкай вобласці. Пад артылерыйскі і мінамётны агонь трапілі больш за 25 населеных пунктаў.

На Аўдзееўскім кірунку пад артылерыйскія і мінамётныя абстрэлы трапілі больш за 10 населеных пунктаў.

На Мар'інскім кірунку цягам дня ўкраінскія абаронцы паспяхова адбілі 7 нападаў ворага непасрэдна ў раёне Мар'інкі Данецкай вобласці. Праціўнік спрабаваў аднавіць страчанае становішча ў раёне Новаміхайлаўкі Данецкай вобласці, але поспеху не меў. Затое нанёс авіяцыйны ўдар у раёне гэтага населенага пункта. Пад агнём акупантаў знаходзілася больш за 10 населеных пунктаў.

На Шахтарскім кірунку вораг нанёс авіяцыйны ўдар у раёне Ураджайнага Данецкай вобласці. Артылерыйскія і мінамётныя абстрэлы зазналі блізу 10 населеных пунктаў.

На Запарожскім кірунку вораг нанёс авіяцыйныя ўдары паблізу Вербавога і Рабоціна Запарожскай вобласці. Артылерыйскія і мінамётныя абстрэлы зазналі блізу 30 населеных пунктаў.

На Херсонскім кірунку авіяцыйныя ўдары зазналі Берыслаў, Адрадакаменка, Вольгаўка, Львоў Херсонскай вобласці. Акупанты абстралялі з артылерыі і мінамётаў блізу 10 населеных пунктаў.

У той самы час Сілы абароны Украіны прадаўжаюць наступальную аперацыю на Мелітопальскім кірунку, наступальныя (штурмавыя) дзеянні на Бахмуцкім кірунку, наносяць акупацыйным войскам страты ў жывой сіле і тэхніцы, знясільваюць ворага ўздоўж усёй лініі фронту.

Цягам дня авіяцыя Сілаў абароны нанесла 11 удараў па раёнах засяроджвання асабовага складу, узбраення і ваеннай тэхнікі і адзін удар па зенітна-ракетным комплексе ворага.

Падраздзяленнямі ракетных войскаў падбіта 9 артылерыйскіх сродкаў, раён засяроджвання ўзбраення і ваеннай тэхнікі, склад боепрыпасаў і станцыя РЭБ ворага.

Паводле звестак Генштаба, ва Украіне за мінулы дзень знішчылі 420 расейскіх акупантаў. У цэлым страты РФ з пачатку поўнамаштабнага ўварвання складаюць 276 270 вайскоўцаў.