СМІ: УСУ прарываюцца ў Новапракопаўку і да суседніх вышыняў

Да Такмака ўсяго 16 км.

Перадавыя падраздзяленні ўкраінскага войска з цяжкімі баямі прарываюцца ў сяло Новапракопаўка на Запарожскім кірунку фронту, які з'яўляецца ключом да наступу на акупаваны Такмак. Падраздзяленні УСУ імкнуцца ўзяць пад поўны кантроль галоўныя вышыні на ўскраінах населенага пункта, што дасць магчымасць устанавіць эфектыўны агнявы кантроль над астатняй часткай вёскі.

Пра гэта піша ваенны эксперт Telegram-канала Kravchuk, публікуючы кірункі наступальнай аперацыі на Новапракопаўку і цеплавую мапу галоўных вышыняў, паведамляе «Дыялог».

«Запарожскі кірунак. Украінскія вайскоўцы з цяжкімі баямі прарываюцца ў сяло Новапракопаўка, якое з'яўляецца ключом да наступу на Такмак. Ключавыя ў гэтым прасоўванні вышыні на ўскраінах, якія дазваляюць усталяваць эфектыўны агнявы кантроль над іншай часткай сяла (другая карцінка)», – адзначыў ён.

Такмак размешчаны ўсяго за 16 км на паўднёвы захад ад Новапракопаўкі.