Мянчанка аддала аўто ў рамонт, а забрала са штрафстаянкі

Распачатая крымінальная справа.

Сталічнага спецыяліста ў рамонце аўтамабіляў затрымалі паводле падазрэння ў крадзяжы аўто, паведамілі ў прэс-службе МУС.

Аўтамабіль Opel з ключамі і дакументамі для рамонту маладому чалавеку перадала ўладальніца.

На працягу некалькіх тыдняў фігурант казаў жанчыне, што займаецца рамонтам, а сам выкарыстоўваў транспартны сродак у асабістых мэтах.

Падчас адной з такіх выпраў яго затрымаў патруль міліцыі. Аўтамабіль змясцілі на штрафстаянку, а далей перадалі законнай уладальніцы.

На 21-гадовага менчука пачалі крымінальную справу за крадзеж.