Крамлёўскія арэлі

На адным канцы сядзіць Пуцін, на другім рагоча і паказвае язык маленькі Кім.

Намеснік старшыні Савета бяспекі Дзмітрый Мядзведзеў з'явіўся з такой заявай: «Відавочна, што Расеі пакідаюць усё менш выбару, акрамя наўпроставага канфлікту з NATO на зямлі, які ператварыўся ў адкрыта фашысцкі блок тыпу гітлераўскай восі, хоць і большага памеру. Мы гатовыя, хоць вынік будзе дасягнуты са значна большымі выдаткамі для чалавецтва, чым у 1945-м…»

Заява двухсэнсоўная. У 1945-м быў пакараны агрэсар, потым быў Нюрнбэрг. Да чаго вы гатовыя?

У цяперашняга дзяржаўнага кіраўніцтва, дарэчы, «вось» не атрымалася. Нешта накшталт Масква-Пекін-Дэлі. Выйшлі «арэлі» - на адным канцы сядзіць вялікі геапалітык, на другім рагоча і паказвае язык маленькі Кім.

Акрамя таго, які яшчэ «канфлікт з NATO»? З Украінай не могуць справіцца хутка два гады. І ўжо рабіць такія заявы зусім недарэчна пасля таго, як ракетамі быў разбіты штаб Чарнаморскага флоту ў святым Севастопалі.

Тэлеграм-канал «СерпомПо»